ვინც არ უნდა იყო, მშობელი, ბავშვი, სტუდენტი თუ უბრალოდ დაკავებული ადამიანი “გადარბენებზე”, ეს რეცეპტი შენთვისაა.
? ისეთი მარტივია ბავშვებთან ერთადაც მოამზადებთ. დილას სახლიდან გასვლის წინაც მოასწრებთ. ღამე ძილის წინაც არ დაგეზარებათ რომ სახლში სასწაული სურნელი დაატრიალოთ.
საუკეთესო ხემსი, დესერტი თუ “ლანჩია” ხრატუნა ტკბილი და არომატული. რაც მთავარია ჯანსაღია, ვეგანური და უმარტივესი მოსამზადებელი. ინახება რამდენიმე დღე.
მოკლედ შეუდექით მზადებას! ?
დაგჭირდებათ ორნაირი პროდუქტი ჩიკორისგან:
"უკურკო ქლიავის ჩირი" და "ქიშმიში მოხალულ თხილთან ერთად"
დანარჩენი ინგრედიენტებიც ასეთივე ჯანსაღია და აუცილებლად მოგეპოვებათ განჯინაში თუ არადა უახლოეს დიდ მარკეტში იპოვნით. ? (ასევე მარტივია ჩაანაცვლოთ სხვა მაგავსი ინგრედიენტებით)
რეცეპტი (9-10 ორცხობილისა)
მშრალი ინგრედიენტები:
1 ჭიქა შვრია
1 ჭიქა შვრიის ფქვილი (ჩოპერში კარგად დაფქული შვრია)
1 ჩაის კოვზი სოდა
1 ჩაის კოვზი დარიჩინი
1/2 ჩაის კოვზი მარილი
1 ჩაის კოვზი ვანილი
სველი ინგრედიენტები:
1/4 ჭიქა დამდნარი ქოქოსის კარაქი
1/4 ჭიქა ნეკერჩხლის სიროფი (ან რაიმე სხვა დამატკბობელი გემოვნებით, თუნდაც შაქარი)
2 სელის "ვეგანური კვერცხი" (2 სუფრის კოვზი დაფქული სელის მარცვალი + 6 სუფრის კოვზი წყალი-უნდა იდგას 15 წუთი)
გასამხიარულებლები:
1 მუჭა დაჭრილი "უკურკო ქლიავის ჩირი" და ამდენივე "ქიშმიში მოხალულ თხილთან ერთად"
? მოზრდილ ჯამში ერთმანეთში კარგად ვურევთ მშრალ ინგრედიენტებს.
? მეორე ჯამში სველ ინგრედიენტებს.
? სველ ინგრედიენტებს ვუმატებთ მშრალს.
? ბოლოს ვუმატებთ ჩირს, ქიშმიშს და თხილს.
? ვაერთიანებთ ერთ მასად.
ღუმელს ვაცხელებთ 190 გრადუსზე.
? საცხობ ქაღალდზე ამ მასას ვანაწილებთ გუნდებად.
? ამ რეცეპტით გამოდის 9-10 საშუალო გუნდა.
ცხვებიან 10-12 წუთის მანძილზე. ცხობისას არ იზრდებიან ზომაში.
ღუმელის გამორთვის შემდეგ, დააყოვნეთ ორცხობილები რომ გაგრილდნენ ️
შემდეგ მიირთვით ?